Saturday, December 05, 2015

ദൈവം

​ധൂളിയായിരുന്നന്ന് ഞാനുമെൻ പ്രിയരും
തണുപ്പേറിയ നാളുകളിലെന്നോ ഒന്ന് ചേർന്നാ ബന്ധം ദൃഢമായ്
മഴയാലുമലയാലുമൊരുക്കപ്പെട്ട-
നാളുകളൊന്നൊന്നായ് പോകപ്പോകെ,
ശേഷം ജനിച്ച് വളർന്നയായിരുകാലികൾ
ഞങ്ങൾക്ക് സ്ഥാനമാറ്റം സമ്മാനിച്ചു
രൂപമാറ്റത്താലും കൂട്ടിച്ചേർക്കലാലും
മറയായും തറയായും അവരെയവർ മാറ്റി.
കൂട്ടത്തിൽ ഉപേക്ഷിക്കപ്പെട്ടവനായാ-
മാലിന്യക്കൂമ്പാരത്തിൽ
ഒരു മൂലയിലായ്പിന്നെയും
കാലചക്രക്കറക്കമെണ്ണി ഞാനും
ഒരു  രാത്രി ഒരുവനെന്നെയാ മരത്തിൻ
ചുവട്ടിലെത്തിച്ചു. ചുവന്ന ഹാരവും,തിലകക്കുറിയും
തീ നാളവും ഒപ്പമേകി
അടുത്ത പകലിനെന്നെയത്ഭുതത്തോടെയും,ഭക്തിയോടെയും
കാണുന്ന കണ്ണുകളിലിനെണ്ണം കൂട്ടി.
അർക്കനസ്തമിച്ചുദിക്കുന്നതിനോടൊപ്പമെന്റെ
ആടയാഭരണങ്ങളിലും ചുറ്റുപാടിലും മുന്നേറ്റമുണ്ടായി
കുടിക്കാനും കഴിക്കാനുമാവില്ലെങ്കിലും
കിട്ടുന്ന പാലിനും വെണ്ണയ്ക്കും കണക്കില്ലാതായ്
ഇനിയൊരു സ്ഥാനഭ്രംശം
സംഭവിക്കാത്തിടത്തോളം സുരക്ഷിതനായ്.
പൂജയായ്, കാവലായ്, കാണിക്ക വഞ്ചിയായ്
ജീവനെടുക്കാനും വെടിയാനുമാളുകളായ്
ഇഷ്ടക്കേടുകളുമിഷ്ടങ്ങളുമേറെയായ്
അങ്ങിനെ ഞാനൊരു വലിയൊരു ദൈവമായ്
      *     *      *     *      *      *
ഇഷ്ടക്കേടുകളെതിർക്കാനൊരു കൂട്ടരുമൊപ്പമുണ്ടായ്.
മാംസവുമശുദ്ധിയുമിഷ്ടമല്ലെ-
ന്നുള്ളതെതിർക്കാനിന്നവർ
സംഘം ചേരുന്നുന്നുവത്രേ, മാംസം കഴിക്കുന്നുവത്രേ!
ഹാ കഷ്ടം ഹിംസ നമുക്ക് നിഷിദ്ധമല്ലേ!
ഇന്ന് ഞാൻ കൂടുതൽ ശക്തനാകും
നിരവധി നരബലികളാൽ
ശക്തനാകും,സന്തുഷ്ടനാകും.
ചുടു ചോരയാലിന്ന്
ഞാനെൻ ഭക്തരുടെ ദാഹമടക്കും
അവരെനിക്ക് ജയ് വിളിക്കും.​

Saturday, October 31, 2015

ഒരു വോട്ട്

പ്രിയപ്പെട്ടവരേ ടെക്നോപ്പാർക്ക്,തിരുവനന്തപുരത്ത് പ്രതിധ്വനി എന്ന കൾച്ചറൽ ക്ലബ്ബ് നടത്തുന്ന സൃഷ്ടി 2015 എന്ന ഇവന്റിലേക്ക് എന്റെ കവിതയും മത്സരിക്കുന്നുണ്ട്. ഇഷ്ടമായെങ്കിൽ ഒരു വോട്ട് തന്ന് പ്രോത്സാഹിപ്പിക്കൂ.. :*

http://www.prathidhwani.org/poem-mal-15/%E0%B4%A6%E0%B5%88%E0%B4%B5%E0%B4%82-arunkumar-prabhakaran-pillai/

Steps to vote :
=========================
Click on the link above
In the article page, click on the Vote button to the right side of the page
Enter your Name and Email ID & click Submit
A confirmation link will be sent to the mail id you provided.
Click on the confirmation link to complete the Voting process.

Saturday, May 09, 2015

സ്വപ്നങ്ങളുടെ പൂന്തോട്ടത്തിനപ്പുറം യാഥാർഥ്യങ്ങളുടെ മരുഭൂമിയുണ്ട്..

മഴ പെയ്തു.. 
ശേഷം കാറ്റ് വീശി... 
പിന്നെ മഞ്ഞ് വീണു... പാവമാ വൃക്ഷം ആദ്യം നനഞ്ഞു, 
ഉലഞ്ഞു, പിന്നെ ഉറഞ്ഞു.. ഇനി വെയിലാണ്... അതിലുരുകും..കൊഴിയും....

Tuesday, April 28, 2015

#നിനക്കുള്ളതല്ല

മനസ്സിന്റെ ദാഹമാണ് തീയായ് ഉള്ള് പൊള്ളിക്കുന്നത്. വെന്തുരുകി വിണ്ട് കീറിയാ പാടത്ത് കർഷകവിലാപമെന്ന പോൽ ഉള്ള് പൊട്ടിയൊരുള്ള്.

മഴയുടെ തണുപ്പും, അതാവാഹിച്ചും കൊണ്ടുള്ള കാറ്റിന്റെ തലോടലും പുറമേ സംഭവിക്കുന്നുണ്ട്. ഇവയ്ക്കൊന്നിനെങ്കിലും ശരീരം തുളച്ച് മനസ്സിനെ            സ്പർശിക്കാനാവുമായിരുന്നെങ്കിലെന്ന് അന്നെന്ന പോലിന്നും ആശിക്കാറുണ്ട്.

കണ്ണടച്ച് സ്വപ്നങ്ങളെ കൂട്ടിന് വിളിക്കുേമ്പാൾ അറിയുന്ന സന്തോഷവും സമാധാനവും                 ഉണരുമ്പോഴേയ്ക്കും വിട്ട് പോകാതെയൊപ്പം നിന്നിരുന്നുവെങ്കിൽ.

അവനവന്റെ ഹൃദയവേദനയ്ക്ക് അപരനുണ്ടാകുമെന്നതൊരു മിഥ്യാ ധാരണയാണ്.

ആഗ്രഹങ്ങൾ അവസാനിക്കുകയില്ലല്ലോ. മണ്ണോട് ചേരുന്നതിനു തൊട്ട് മുൻപ് വരേയ്ക്കും....

Sunday, April 19, 2015

#SundayRandoms

വിരസമായ പകലുകൾ ചുട്ട് പൊള്ളിക്കുമ്പോൾ 
മഴയാവാനും തണലാ വാനും തണുത്ത കാറ്റായടിച്ച് 
ഓർമ്മകളുടെ ഉഷ്ണത്തെ ശമിപ്പിക്കുവാനും....
പിന്നെ
തൊണ്ട വരണ്ട് ശ്വാസം നിലച്ച് 
വീണ്ടുകീറിയ പാടത്ത് ഒടുങ്ങാനനുവദിക്കാതെ 
രക്ഷപ്പെടുത്തുവാനും.....
എനിക്ക് ഒരു മഴ മേഘം വേണം......
Related Posts Plugin for WordPress, Blogger...